Kæru Íslendingar í Óðinsvéum og nágrenni!

Allir að taka frá 11.Febrúar 2012 því þá verður Þorrablót Íslendingafélagsins í Odense haldið með pomp og prakt í Marslev-Holev forsamlingshus.

Örn Árnason mun skemmta fólkinu með sinni tærri snilld yfir matnum og ætla VINIR SJONNA að koma og halda uppi fjörinu á ballinu, það verður engin svikin(n) þegar þessir strákar eru annars vegar;)

mun skaffa þorramatinn með sinni tærri snilld eins og í fyrra. Viljum við minna þá á sem að borða ekki þennan snilldarþorramat, að það verður LAMBALÆRI og HANGIKJÖT líka á boðstólunum. Þannig að allir ættu að fá eitthvað við sitt hæfi.

Miðasalan er hafin og lýkur henni 9. Februar 2012, en til að ná sér miða á ódýrari verði er um að gera að stökkva af stað.

Verð í forsölu ( 3. Januar – 22.Janúar 2012)
Félagsmenn 350.-
Ekki félagsmenn 500.-

Verð ekki forsala: ( 23. Janúar – 9. Februar)
Félagsmenn 400.-
Ekki félagsmenn 550.-

Félagsgjaldið er 120.- ( sept ´11 – sept ´12)

Miðasala verður á eftirfarandi stöðum :
Elva Björk , Østergårdsparken 16, Fraugde, tlf.6178 6006
Hrabba , Østerdalen 3cd, Skt.Klemens, tlf.4033 3693
Berglind, Elmelundsvej 4, íbúð 1605 , Rasmus Rask Kollegi, tlf.2154 8234

Æskan Gallerí Gló,

Allt á fullu í undirbúning, verður frábært kvöld þannig að um að gera að taka daginn/kvöldið frá

Þið verðið ekki svikin(n) með stærstu skemmtun ársins, það hefur hingað til aldrei neinn verið það

Mestu stuðkveðjur frá
Þorrablótsnefnd IFO 2012

Hið árlega jólaball IFO verður haldið þann 26.desember í Hjallese kirkju, sama stað og alltaf, klukkan 14:00.

Svo áætlum við að fá að setja jólatréð á sama stað og í fyrra og munum við byrja þar um klukkan 14:15 með því að dansa kringum það. Það er svo aldrei að vita nema einn af rauðklæddu bræðrunum kíki í heimsókn.

Jólakveðjur,
Stjórn IFO.

Þá líður að hinni árlegu skötuveisla ÍFÓ og verður hún haldin þann 10.desember í Grænlendingahúsinu, Hunderupvej 61, milli klukkan 18:00 til 20:00. Það er um að gera að flýta sér að panta þar sem vanalega komast færri að en vilja.

Pantanirnar verða að berast í síma 27 50 76 94 eða email ifodense@hotmail.com.

Á boðstólnum verður skata, saltfiskur, fiskibollur, og harðfiskur

Meðlæti er íslenskt rúgbrauð, kartöflur, hamsatólg, og smjör.

Verð er 150kr,- fyrir fullorðna og 60kr,- fyrir börn. Verð fyrir félagsmenn er 90kr,- og frítt fyrir félagsbörn.

EF einhver afgangur verður eftir eftir veisluna þá verður hann seldur á niðursprengdu verði.

Kveðja,

Stjórn IFO.

Ertu búin að kaupa allar jólagjafirnar og ert að spá í hvernig þú ætlar að koma þeim til Íslands?

IFO ætlar að bjóða félagsmönnum sínum upp á einn möguleika!!!
Málið er þannig að Eimskip er að bjóða upp á að taka við jólapökkum sem þurfa að komast frá Danmörku til Íslands og fara þeir með DET 1-47  föstudaginn 2.desember og verða pakkarnir á Íslandi 6.desember.

IFO ætlar að bjóða félagsmönnum sínum upp á að taka við pökkum og koma þeim til Aarhus.

Móttaka pakka skal gerast hjá Íslendingafélaginu í Odense fyrir 27.nóv hjá:
Áslaug Ýr Jóelsdóttir

Fløjelsgræsset 21
5220 Odense SØ, Fraugde
Sími: 23 11 02 90
Kostnaður per sendingu (kassa) er 430 DKK og hámarksþyngd er 20 kg. Andvirði fyrir hverja gjöf má ekki vera meira en 10.000 ISK en heildar andvirði  sendingarinar er ótakmarkað. Ef óskað er eftir því að sendingin haldi áfram innanlands þegar hún er kominn til Íslands þá kostar það auka 100 DKK.
Áður en þú kemur með pakkann þá máttu fylla út flutningsfyrirmælin, sjá hér.

Ef þú vilt sjálf(ur) sjá um að koma sendingunni til Aarhus þá er hægt að skoða upplýsingar hér.

Kveðja,
Stjórn IFO

Hollywood Kvennakvöld Íslendingafélagsins

Verður haldið í Brevduernes hus, Christmas Møllers V. 17, Bolbro, þann 8 okt.

Húsið opnar kl 18:00 og hefst borðhald kl 18:30.

Boðið verðu upp á fordrykk, hlaðborð með Hollywood ívafi, fjölbreytt skemmtiatriði og mikið fjör  :)

Miða verð í forsölu er 250 kr. fyrir félagsmenn en 400 kr. fyrir aðra. Forsölu líkur 3 okt. og hækkar verðið um 50 kr. eftir að forsölu líkur.

Hægt er að nálgast miða hjá:

Berglindi á Rasmus Rask sími :21 54 82 34
Erna Centrum: 29 85 08 83
Hrafnhildur St. Klemens: 40 33 36 93
Áslaug Fraude: 23 11 02 90

Kynningardagur Íslendingafélagsins í Odense (IFO) verður haldinn laugardaginn 3. september í Brændekilde Forsamlingshusn Møllegyden 6, Brændekilde 5250 Odense SV

Dagskráin hefst kl 13:00 fyrir börn og fullorðna þar sem verður boðið upp á pylsur, djús og kaffi. Fram fer kynning á stjórn félagsins og hvað verður í boðið hjá félaginu á næsta félagsári (sept.-sept.). Eftir kynninguna verður svo skemmtun fyrir börnin, leikir, diskó og fleira skemmtilegt.

Um kvöldið eða kl.21:00 mun DJ Atli  þeyta skífum og haldi uppi geggjuðu stuði og stemmingu langt fram á nótt.
Eftir fjörið eða klukkan 02:00 kemur svo rúta og keyrir gesti i Odense centum.

Látum okkur ekki vanta á þessa fystu skemmtun IFO á þessu félagsári.

Komum og kynnum okkur hvað er í boði á næsta félagsári og skemmtum okkur eins og Íslendingum er einum lagið.

Kveðja, Stjórn IFO.

P.s einnig má minna á það að ’’besta’’ íslenska sjoppan í danmörku verður á staðnum með íslenskt góðgæti.

Nú geta allir kynnt sér dagskrá Odense Havnekulturfestivalsins sem verður helgina 27. – 29. maí 2011 á heimasíðu festivalsins: http://havnekulturfestival.dk/

Íslandskynning verður á “Græsplænen á Byens Ø“ eins og það kallast, ásamt félögum frá Grænlandi og Færeyjum. Að auki verður margt í boði alla helgina fyrir alla fjölskylduna, s.s handverk, list og hönnun, matur, vatnabubbles, minigolf, allskyns tónlist og dans svo eitthvað sé nefnt. Boðið verður upp á reiðtúr fyrir börnin á íslenska hestinum sunnudaginn 29. maí frá kl. 13:00 – 15:00.

Endilega kynnið ykkur dagskrá helgarinnar því allir ættu að finna eitthvað við sitt hæfi.
Bestu kveðjur, nefndin.